🫠 8 ოქტომბერს, ხუთშაბათს, 12:00 საათზე, ლუმოსში გაიმართება ნეიროიოგის ღია გაკვეთილი, რომელიც დაეთმობა ტვინის გავარჯიშებას, ყურადღების, ბალანსისა და კოორდინაციის გაუმჯობესებას, ასევე სხეულისა და გონების ღრმა დაკავშირებას.

🌀 ნეიროიოგას კლასები ჩატარდება ყოველ სამშაბათსა და ხუთშაბათს 12:00 - 13:00

⭐ ნეიროიოგა აერთიანებს ტრადიციული იოგას ასანებსა და ნეირომეცნიერებაზე დაფუძნებულ სავარჯიშოებს. კლასის განმავლობაში იოგას პოზებსა და მოძრაობებს დაემატება სხვადასხვა ტიპის ნეიროსავარჯიშოები, რომლებიც ემსახურება ტვინისა და ნერვული სისტემის სხვადასხვა ფუნქციის გააქტიურებას. გაკვეთილებზე ვიმუშავებთ ვიზუალურ და ვესტიბულურ სისტემებზე, ნათხემზე, ბალანსზე, კოორდინაციაზე, მოძრაობის სიზუსტეზე, სივრცით აღქმასა და რეაქციის სისწრაფეზე. თვალის სავარჯიშოების, ბალანსის, კოორდინაციისა და სხვადასხვა მოძრაობის საშუალებით, ვეცდებით გავაძლიეროთ კავშირი ტვინსა და სხეულს შორის და გავაუმჯობესოთ მოძრაობის ხარისხი.

🌿 კლასს გაუძღვება სოფო ბუაძე - RYT500 სერტიფიცირებული იოგას მასწავლებელი, რომელსაც გავლილი აქვს Advanced Yoga Teacher Training, ასევე სპეციალიზებული ტრენინგები ნეიროიოგას, იოგას ანატომიის, პრანაიამასა და მედიტაციის მიმართულებით. მისი სწავლებისა და პრაქტიკის მთავარი ფოკუსი სხეულისა და ნერვული სისტემის ურთიერთკავშირი, გაცნობიერებული მოძრაობა, სუნთქვა და მედიტაციაა. თავის კლასებში სოფო აერთიანებს ტრადიციულ იოგას, თანამედროვე ნეირომეცნიერებაზე დაფუძნებულ მიდგომებსა და სხეულის ანატომიის ცოდნას, რათა პრაქტიკა იყოს გაცნობიერებული, ფუნქციური, მრავალფეროვანი და დაბალანსებული.

🧡 გელით შემოდგომის გამორჩეულ თავგადასავალში.