ვასუ 20 წელია იოგას ინსტრუქტორია. ვარჯიში 12 წლის ასაკში დაიწყო იოგას სამშობლოში, რიშიკეშში. მსოფლიოს სხვდასხვა ქვეყნებში მასწავლებლობის შემდეგ მეორე სამშობლოდ საქართველო აირჩია. 2017 წლიდან ლუმოსის ოჯახს შემოუერთდა.

მჯდომარე ცხოვრების წესის გამო ადამიანთა უმეტესობას ცხოვრების ადრეულ ეტაპზევე უუხეშდება სახსრები და კუნთები. ამის მიზეზი ქსოვილების გაუწყლოებაა, რაც ჩვენს სხეულს ნაკლებად მოქნილსა და დაზიანებების მიმართ მიდრეკილს ხდის. სხეულის რეგულარული გაწელვები დაგეხმარებათ ქსოვილის „დამატენიანებლის“ წარმოქმნაში, რაც თქვენს კუნთებს მოქნილობასა და ძალას შესძენს.

სხეულის გაწელვითი ვარჯიშები, რომლებსაც ახლავს სუნთქვითი სავარჯიშოები, ამაღლებს ენერგიულობას და აუმჯობესებს განწყობას, ასევე ხელს უწყობს გონების მოდუნებას.