ლუმოსში მონატრებული საბავშვო იოგას ყველაზე მხიარული კლასი ბრუნდება. ბავშვებისთვის საყვარელი მასწავლებელი, შორეული მოგზაურობიდან დაბრუნებული სალომე ჩვეული თამაშ-თამაშით გაუძღვება პატარებს დიდ იოგურ სამყაროში სამოგზაუროდ.

რატომაა სასარგებლო ბავშვებისთვის იოგას ვარჯიში?

• იოგა ბავშვებს ეხმარება საკუთარი სხეულის გაცნობასა და უკეთ ფლობაში;

• იოგას პოზები აძლიერებს ბავშვების კუნთოვან სისტემას, ზრდის მოქნილობას, აუმჯობესებს ბალანსსა და კოორდინაციას;

• ბავშვები სწავლობენ მარტივ სუნთქვის სავარჯიშოებს, რაც მათ ეხმარება გონებისა და სხეულის დამშვიდებაში.
  

საბავშვო იოგას გაკვეთილები ბავშვებისათვის სახალისოა იმითაც, რომ იოგას კლასიკური ვარჯიშების გარდა მოიცავს უამრავ გონებამახვილურ თამაშს, რომელთა დახმარებითაც:

• ვარჯიშდება და ძლიერდება კონცენტრაციის უნარი;

• უმჯობესდება წვრილი და მსხვილი მოტორიკა;

• ვითარდება აღქმის, ყურადღების, მეხსიერებისა და აზროვნების უნარები.