26 მარტს, 09:00 საათზე, ლუმოსში გეპატიჟებით აშთანგა ვინიასას შემსწავლელი ინტენსიური 6-კვირიანი კურსის ღია გაკვეთილზე.

კურსი ჩატარდება 31 მარტიდან - 12 მაისამდე.

სამშაბათსა და ხუთშაბათს - 09:00 - 10:30 საათზე;

ეს პროგრამა მათთვისაა, ვისაც სურს იოგას სიღრმისეული, საფუძვლიანი გააზრება და არა უბრალოდ ინტენსიური ვარჯიში.

ექვსი კვირის განმავლობაში ჩვენ ნაბიჯ-ნაბიჯ შევისწავლით აშთანგა ვინიასა იოგას ძირითად სისტემას -სუნთქვას, მოძრაობას, მოძრაობებს შორის გადასვლებსა და თანმიმდევრობას;

პრაქტიკას დავიწყებთ თითოეული მოძრაობის ნელი და დაკვირვებითი შესწავლითდა ეტაპობრივად დავეუფლებით უწყვეტ, თავდაჯერებულ, გაძღოლილ პრაქტიკას.

ყოველ მომდევნო კვირას პრაქტიკა უფრო დინამიური, რიტმული და თვითმართვადი იქნება.ეს არ არის drop-in ფლოუ კლასი, ესაა პროგრამა მკაფიო სასწავლო ლოგიკით.

კურსის დასრულების შემდეგ ჯგუფი გარდაიქმნება მაისორისა და ლედ კლასად, სადაც მოსწავლეებს შეეძლებათ პრაქტიკის გაგრძელება და დახვეწა.

პროგრამის მსვლელობის დროს მონაწილეებს გადაეცემათ აშთანგას სახელმძღვანელო - დეტალურად გაწერილი პროგრამით დაფარული საკითხები, ილუსტრაციებთან და დამატებით მასალასთან ერთად, რაც სასწავლო პროცესში თუ შემდგომი პრაქტიკის დროს ძალიან სასარგებლო ინსტრუმენტი იქნება მათთვის.

რით განსხვავდება ეს პროგრამა:

კურსის დასაწყისი წარიმართება ვორქშოფის ფორმატში -

თითოეული მოძრაობის დეტალური ახსნით,ნაბიჯ-ნაბიჯ გაიზრდება დატვირთვა უსაფრთხო პროგრესის მისაღწევად. კვირიდან კვირამდე ვორქშოფის ფორმატსა და დეტალურ ინსტრუქტაჟს ჩაანაცვლებს გაძღოლილი და ავტონომიური პრაქტიკა.ესაა აშთანგას ლედ ან მაისორის ტიპის გაკვეთილებისთვის მზადება

მონაწილეობა შეუძლია ნებისმიერი დონის პრაქტიკოსს - დამწყებსა თუ გამოცდილს.ყველა ეტაპზე შემოთავაზებული იქნება თითოეული ვარჯიშის ალტერნატივები და მოდიფიკაციები.

რეკომენდებულია პროცესში სრულად, უწყვეტად 6 კვირის განმავლობაში მონაწილეობა.

როგორ ვითარდება პროგრამა (12 გაკვეთილი/6 კვირა)

• 1-2 კვირა — მოძრაობების საფუძვლები და მათი შესრულების უსაფრთხოება, სუნთქვის მექანიკა, ვინიასას ლოგიკა, მზის მისალმების დეტალური ახსნა (A, B), დგომითი პოზების საფუძვლები.ვქმნით სტაბილურ და გააზრებულ ბაზას.

• 3–4 კვირა — სტაბილურობა და გადასვლები.

  დგომითი ასანების სერია უფრო უწყვეტი ხდება, ემატება მჯდომარე პოზები, გადასვლები და ბანდჰას პრინციპები.ძალა — აგრესიის გარეშე

• 5–6 კვირა — დინება, ინტეგრაცია და ავტონომია

  უმეტესად გაძღოლილი პრაქტიკა, ნაკლები ახსნა.

  ტრიალები, ბალანსი დაღლილობის ფონზე, ზურგის მოხრები და თვითმართვადი მონაკვეთები.

  პროგრამის ბოლოს გექნებათ მკაფიო ხედვა, როგორ გააგრძელოთ პრაქტიკა დამოუკიდებლად.

  
  

  პროგრამის დასრულების შემდეგ:

• შეძლებთ იმოძრაოთ სუნთქვასთან ერთად;

• გექნებათ პირველადი სერიის ძირითადი სტრუქტურის გაგება;

• შეიძენთ სტაბილურობას პრაქტიკის აჩქარების ან პრაქტიკით გადატვირთვის გარეშე;

• შეძლებთ თავდაჯერებულად შეუერთდეთ აშთანგას ან რომელიმე სხვა ვინიასას სისტემის გაკვეთილებს;

• შეძლებთ უსაფრთხოდ ივარჯიშოთ დამოუკიდებლად;

• ესაა საფუძვლების დასწავლა და არა შესრულებაზე ორიენტირებული შოუ.

  
  

ფორმატი: 12 გაკვეთილი - კვირაში 2-ჯერ - 90 წუთი

ხანგრძლივობა: 6 კვირა

სტილი: ვორქშოფი → პროგრესულად გაძღოლილი პრაქტიკა

მასწავლებელი: დათო სუბელიანი

პროგრამის დასრულების შემდეგ მსურველთათვის შემოთავაზებული იქნება დამატებით შაბათ–კვირის ინტენსივი, სადაც დამუშავდება ის ნაწილები, რომლებიც ამ 6 კვირაში შეგნებულად დარჩა პროგრამის მიღმა.