🍃 23, 24 და 25 ოქტომბერს ლუმოსი გეპატიჟებათ ნუნისში, სამდღიანი დაოსური პრაქტიკების რითრითზე, რომელსაც გაუძღვებიან იური ლომიძე, ლუმოსის ტაი ჩისა და ციგუნის უხუცესი ოსტატი და თეონა შალამბერიძე, ციგუნისა და ტაი ჩის ინსტრუქტორი. 

💚 ბუნებაში დაოსური დინამიური მედიტაციების შეგრძნება და ათვისება უფრო მარტივია, ამიტომ ეს რითრითი საუკეთესო პირველი ნაბიჯი იქნება მათთვის, ვისაც ჯერ არ უცდია, მაგრამ აქვს სურვილი, შეიგრძნოს ამ გამორჩეული აღმოსავლური პრაქტიკების სიკეთეები. 

✨ ნუნისი ლუმოსისთვის გამორჩეული ადგილია, ჩვენი რითრითრების უმრავლესობას სწორედ ამ ნაძვნარში ჩაფლულმა სასტუმრომ უმასპინძლა და თავისი ენერგეტიკული სიძლიერით დაგვეხმარა ბუნებასა და საკუთარ თავთან ღრმა კავშირის აღდგენაში. https://www.facebook.com/NunisiResort

🌟რა გელით რითრითზე?

🌿დილას დავიწყებთ ციგუნით - რბილი, ნელი, მარტივი  მოძრაობებით, რომლებიც ამშვიდებს ნერვულ სისტემას, აღადგენს ენერგეტიკულ ბალანსს და გვამზადებს დღისათვის.

შუადღესა და საღამოს გვექნება ტაი ჩი - მოძრაობა მედიტაციაში, სადაც სხეული და სუნთქვა ერთ რიტმში ერთიანდება.

🍃დაოსური პრაქტიკები, ერთი შეხედვით, მარტივი და ჰაეროვანია და პირველივე ვარჯიშზე იგრძნობა: 

🔹ენერგიის მოზღვავება;

🔹განწყობის გაუმჯობესება;

🔹სხეულისა და გონების დაბალანსება;

🔹ყოველდღიურ გამოწვევებთან გამკლავების გაადვილება;

🔹დამოუკიდებელი პრაქტიკის სურვილი.

🌀რითრითი მორგებულია როგორ გამოცდილ, ასევე სრულიად დამწყებ პრაქტიკოსებზე და მონაწილეობის მისაღებად არ მოითხოვს არანაირ წინასწარ მომზადებას. 

🌱რითრითზე ასევე გვექნება: 

ენერგეტიკული წერტილების (აკუპრესურის) ვორქშოფი, რომლის დროსაც ვისწავლით, როგორ დავეხმაროთ საკუთარ თავსა და სხვებს ტკივილისა და სტრესული სიტუაციების დროს;

როგორ გავუმკლავდეთ დაღლილობასა და უენერგიობას;

როგორ შევიმსუბუქოთ სხვადასხვა ორგანოების დისკომფორტი;

ვიმუშავებთ სტატიკურ მედიტაციასა და მოდუნებაში - ღრმა მოდუნებისა და აღდგენისათვის;

ვისეირნებთ ტყეში და შევასრულებთ სუნთქვით სავარჯიშოებს;

გავატარებთ დროს საკუთარ თავთან; 

რითრითის ღირებულება: 560 ლარი

შესაძლებელია თანხის ორ ეტაპად გადახდა - პირველი ნახევარი 15 სექტემბრამდე - 280 ლარი. მეორე ნახევარი - 15 ოქტომბრამდე.

15 ოქტომბრამდე რეგისტრაციის გაუქმების შემთხვევაში გადახდილი თანხა დაგიბრუნდებათ სრულად 50 ლარის, ადმინისტრაციული და ორგანიზების ხარჯის, გამოკლებით.

15 ოქტომბრის შემდეგ გადახდილი თანხის დაბრუნება ვერ მოხერხდება.

🪷ღირებულებაში შედის:

▫️დაბინავება სასტუმროში;

▫️კვება;

▫️ყველა პრაქტიკაზე დასწრება;

▫️მგზავრობა: თბილისიდან ყველანი ერთად გავემგზავრებით მატარებლით, რაც ლუმოსის ნუნისში რითრითების სახალისო და რიტუალური ნაწილია, სადგურზე დაგვხვდება მიკროავტობუსი და მიგვაცილებს სანატორიუმამდე, ბოლოს კი სასტუმრომდე გადაგვიყვანს საბაგირო.